Kommunen på pendlartoppen

Mange reiser over brua, andre vel 
båten (Foto: Arve Kjell Uthaug).

Meland har mest pendling av kommunane i Nordhordland, og dei fleste reiser til byen.

- Pendling fører med seg mykje styr for samfunnet. Det enklaste hadde sjølvsagt vore at folk hadde hatt arbeidsplassen sin der dei bur, men folk reiser langt for spennande og relevante jobbar. Det betyr stor flytting av folk om morgonen og ettermiddagen, det meste av reisene skjer dessverre med bil. Det fører til køar, forureining og stadige krav om fleire og breiare vegar, tunellar og bruer. Slik infrastruktur tek stor plass, lagar støy og kostar flesk, skriv Aslaug Aalen. Ho skriv i Melandjul om pendlinga, bussen, snøggbåten og elbilen.